HUAPZO LAL THAR A PIANG E..
( Huapzo Group Pualin..)
A pian hma kum za tam liam tawhah khan Zawlnei ropui tak tak ten a lo pian dan tur leh a hun thu te an lo vavaihpui hle tawh a. A zirmi leh hrethiam te tana hai rual loh Arsi danglam meuhin a pian thu rawn puang e ti lovin hriatpuitu mumal nei lo leh khawvel ngaiha pian dan hnuaihnung theihtawpin a lo piang a. A pian thu hriatpuitu atana a thlan mi tlemte te dinhmun inthlauhzia atang pawh hian mi danglam tak zawng a ni. A hunlaia hna hnuaihnung ber thawktute leh mifing ropui tak tak ten lal chibai bukin an han buk nghal mai kha a nia...Ran in maia piang khan van zaipawl a zaitir thup thup lawi a. A pian dan phung leh a chhehvel thil thleng atang ringawt pawh hian lei leh van a va Huapzo tak e aw..!
Khawvel en tur leh, khawvel damna atana piang ni siin a rualpui nausen dangte tana tawrhna rapthlak thlentu an ni nghal pang mai a! Tualchai rual a nihin Biak Inah Pathian thu a chhiar lauh lauh tawh a, Biak In chu a pa Inah a chhal ngat ngam tawh a nih kha...
Rawngbawl hna a tan phat khan a damrualpui mihringte chu zu in mi an ni em, hlepruk hmang an ni em, natna khirhkhan vei an ni em, nawhchizuar an ni em, tih a chhut buai ngai lo, hmangaih mamawh, chhandam ngai mihring thlirin a thlir vek zawk. A rawngbawlna chuan huam chin a nei ve lova, thlei bik a nei lo mai nilovin, a hming lamtu apiang a dinchilh chat zel a. Phar natna vei atanga hmeichhe thiput thlengin a kuah khawm vek a, a hunlaia tlang sel rawn, chhiahkhawntu inah ngei iptepui a bang chat zawk a nih kha..Pawl (Denomination) daidanna sadai a pal darhvek a, tanpui ngai apiang a vai hma hmiah hmiah mai. Huapzo rawngbawl hna chu a tan zui ta mawp mawp mai a nih kha..
Kalphung ngheta an lo neih thil tam tak a sawisel a, a tul hunah chuan tharum hmangin thil dik lo titu nia a hriat te chu kut a thlak mai. Chawlhni Pathian khan a tul chuan Chawlniah vek buh hmun a paltlang a, chawlhni serh tura zirtirna vawrhdarhtu khan chawlhniah vek tidam hna a thawk miah miah mai. A hun leh hmun a nih chuan zu pawh a tipung hluai hluai hreh hauh lo. A hunlaia inkhawmna inah khan Finance Committee ah ruat lo mah se, thawhlawm a lo chhiar a, a thawh tlem ber chu thawh tam berah an puang mauh mai bawk a..A thusawi pawh ngaihthla ngai lo, Satanic Nuaia kha kal pel mai lovin a harsatna a sutkianpui mai a, chutihlaiin sakhaw hruaitu Nikodema kha thahnemngai takin a titi pui mial mial bawk a. A thian kawm tur kha eng ang mi nge, tih lam ai chuan huapzo rawngbawlna kha a ngaipawimawh ber fo.
Pathian fapa meuh khan sawisel leh elrel a pumpelh bik hauh lova, a kalna apiangah teh tling zolotu, khawte run tham zet a nei ve zel. Chhang per panga leh sangha pahnih hmanga mihring khati zozai hrai puar thei khawpa thiltithei kha, Rom sipai dawrawm tete khan an beng thle leh ang lawl lawl a. Tuifawn leh thlipui meuh hau reh a, mitthi hial kaitho thei kha Pilata hmaah dawl zawrin a zawr leh lawi bawk a. A nun hian a va huapzo kher em! Hrehawm tawp tuara an sawisak hlum hnuah a lal ram a zau tual tual zui zawk a, vawiin thleng hian chu thawnthu hlui chu mi thinlungah nimin ang maiin a la thar si a nih hi!
Chutiang mi, Huapzo Lal fapa chu vawiin hian kan tan a piang a, Huapzo Kohhran kaltlangin Huapzo Whatsapp Group te hian chibai kan buk mek a nih hi...
KRISMAS CHIBAI VEK ULE, THIANTE U...!
Dated Aibawk
The 25th Dec. 2016
( Huapzo Group Pualin..)
A pian hma kum za tam liam tawhah khan Zawlnei ropui tak tak ten a lo pian dan tur leh a hun thu te an lo vavaihpui hle tawh a. A zirmi leh hrethiam te tana hai rual loh Arsi danglam meuhin a pian thu rawn puang e ti lovin hriatpuitu mumal nei lo leh khawvel ngaiha pian dan hnuaihnung theihtawpin a lo piang a. A pian thu hriatpuitu atana a thlan mi tlemte te dinhmun inthlauhzia atang pawh hian mi danglam tak zawng a ni. A hunlaia hna hnuaihnung ber thawktute leh mifing ropui tak tak ten lal chibai bukin an han buk nghal mai kha a nia...Ran in maia piang khan van zaipawl a zaitir thup thup lawi a. A pian dan phung leh a chhehvel thil thleng atang ringawt pawh hian lei leh van a va Huapzo tak e aw..!
Khawvel en tur leh, khawvel damna atana piang ni siin a rualpui nausen dangte tana tawrhna rapthlak thlentu an ni nghal pang mai a! Tualchai rual a nihin Biak Inah Pathian thu a chhiar lauh lauh tawh a, Biak In chu a pa Inah a chhal ngat ngam tawh a nih kha...
Rawngbawl hna a tan phat khan a damrualpui mihringte chu zu in mi an ni em, hlepruk hmang an ni em, natna khirhkhan vei an ni em, nawhchizuar an ni em, tih a chhut buai ngai lo, hmangaih mamawh, chhandam ngai mihring thlirin a thlir vek zawk. A rawngbawlna chuan huam chin a nei ve lova, thlei bik a nei lo mai nilovin, a hming lamtu apiang a dinchilh chat zel a. Phar natna vei atanga hmeichhe thiput thlengin a kuah khawm vek a, a hunlaia tlang sel rawn, chhiahkhawntu inah ngei iptepui a bang chat zawk a nih kha..Pawl (Denomination) daidanna sadai a pal darhvek a, tanpui ngai apiang a vai hma hmiah hmiah mai. Huapzo rawngbawl hna chu a tan zui ta mawp mawp mai a nih kha..
Kalphung ngheta an lo neih thil tam tak a sawisel a, a tul hunah chuan tharum hmangin thil dik lo titu nia a hriat te chu kut a thlak mai. Chawlhni Pathian khan a tul chuan Chawlniah vek buh hmun a paltlang a, chawlhni serh tura zirtirna vawrhdarhtu khan chawlhniah vek tidam hna a thawk miah miah mai. A hun leh hmun a nih chuan zu pawh a tipung hluai hluai hreh hauh lo. A hunlaia inkhawmna inah khan Finance Committee ah ruat lo mah se, thawhlawm a lo chhiar a, a thawh tlem ber chu thawh tam berah an puang mauh mai bawk a..A thusawi pawh ngaihthla ngai lo, Satanic Nuaia kha kal pel mai lovin a harsatna a sutkianpui mai a, chutihlaiin sakhaw hruaitu Nikodema kha thahnemngai takin a titi pui mial mial bawk a. A thian kawm tur kha eng ang mi nge, tih lam ai chuan huapzo rawngbawlna kha a ngaipawimawh ber fo.
Pathian fapa meuh khan sawisel leh elrel a pumpelh bik hauh lova, a kalna apiangah teh tling zolotu, khawte run tham zet a nei ve zel. Chhang per panga leh sangha pahnih hmanga mihring khati zozai hrai puar thei khawpa thiltithei kha, Rom sipai dawrawm tete khan an beng thle leh ang lawl lawl a. Tuifawn leh thlipui meuh hau reh a, mitthi hial kaitho thei kha Pilata hmaah dawl zawrin a zawr leh lawi bawk a. A nun hian a va huapzo kher em! Hrehawm tawp tuara an sawisak hlum hnuah a lal ram a zau tual tual zui zawk a, vawiin thleng hian chu thawnthu hlui chu mi thinlungah nimin ang maiin a la thar si a nih hi!
Chutiang mi, Huapzo Lal fapa chu vawiin hian kan tan a piang a, Huapzo Kohhran kaltlangin Huapzo Whatsapp Group te hian chibai kan buk mek a nih hi...
KRISMAS CHIBAI VEK ULE, THIANTE U...!
Dated Aibawk
The 25th Dec. 2016
No comments:
Post a Comment