FAINA BEIHPUI
Thangthar, hrikhrah leh khumfa chu sawi loh, chingal pawh la hmu ngai miah lo heti zat kan awm ta hi, kan changkan tak vang a nih loh pawhin chanchintha danglam tak chu a ni phawt mai. 'Hnam mawl' tih leh 'Bal' tih hi in chem chhe kawp kumkhua a ni a, balh leh tawp hlauhna hi mihring changkang leh fing rilru atanga lo chhuak a ni thung.
'Hmasawnna' han tih hian rilruah bungrua, In leh lo, kawngpui tha leh thil hmuh theih chi hrang hrang a lo lang tlangpui thin. Raicheha thi an lo tlem tial tial ta te, mihring dam hun chhung a lo sei ta zel te, naupang zan tah vei sawi tur an awm ta mang lo te leh ram chhungah kutdawh an tlem ta tial tial te, ram leh mimal kan lo faia kan lo thianghlim ta te hi hmasawnna tehna vek tho a ni.
Tuna Kan Sorkar hrawn mek a kan PM, Pu Modi chuan, 'he 'FAINA' hi ka project chuam (favourite) a ni' a ti hial a, Swacch Bharat hmangin India ram faina a kalpui mek a ni. Tin, India ram lui pawimawh, Ganga lui then thianghlim nan, 'Ganga Rejuvenation Project' kalpui mek a ni bawk a, sawi tawh thin angin helam atan hian sum pawh a dah hnem nangiang reng a ni. He project atana Nodal Ministry atana ruat changtu, Uma Bharti khan a office a luahluh rual khan, beltein Ganga lui tui a dawkhanah a chhawplut rap a nih kha! An ti mai mai lo khawp mai. Dik tak chuan S Korea, Singapore te hming kan lam rual hian mitthlaah, khawlai fai nuam em em leh mihring fai ser sawr, in leh lo hnum nuam tak tak a lo lang thin. INDIA tih kan lam rual erawh chuan rel kawng tawp tak tak, station hnawk nuai leh lui tenawm tak tak a lo lang fo thung. He mangchhia hi kan hruaitute chuan tihbo an tum a, a man sang tak pawh pek an huam ta a ni. PM tan chuan 'kan ram GDP a thang, kan foreign policy pawh a tha' ti ti mahse, a ram a tawp a, a chhunga cheng mihringte an balh tlat chuan ram dang lakah a hmai a uang thei ngai lo ang. Tin, khawvel ram hrang hrang sum hnar pawimawh ber pakhat chu zinmi (tourist) hip khawm hi a ni. Kumin january thlaa CNN in a tihchhhuahah, khawvela zinmi hipkhawm hnem ber khawpui chu Hongkong a ni a, London leh Singapore in an dawt a ni. Heng atang hian sum maktaduai tam tak an lalut reng a ni. Hengte hi ram ropuite inelna pakhat a ni tawh. Heng ramte hian fai pawimwhna an inzirtir hranpa lutuk tawh lem lo. An thlahtute bul tan tawh an nunah a bet tlat tawh a, an nunphung pangngai a ni tawh mai. Hnathwhna hmunah erawh chuan a hna a zirin balh an hreh miah lo thung.
Tuna ninawm khawpa faina chungchang kan inzirtirna hian thangthar chhuan lo awm lehah chuan rah duhawm tak a chhuah ngei a rinawm. Engtikah nge faina pawimawhzia inzirna hi kan ban ang aw? Engtikah nge nunphungah kan neih ve ang le? Balh hi ngaiah a neih theih chuan fai pawh hi nunphung pangngaiah a neih theih ngei ang. Kan ramah chanchinthain ramhuai chauh ni lovin balhna a umbo ve bawk tur a ni ang. Zirna, thiamna leh finna te hi chanchintha malsawmna a nih chuan Faina pawh hi a zar kan zona tho tur a ni ang.
Kan khaw naupangte leh lo piang lehzel turte mitthlaah faina hi behtir tlat thei ila, puitlingte bawlhhlawh sawngbawl dan leh faina kawnga an hmala lai hi hmu hnem rawh se. Zunin hi ekna tur a ni lova, bawlhhlawh bawm hi bawlhhlawh paihna tur dik tak a ni a, chinai hi bang remchang leh thirbanah te tah chi a ni lova, mihring mize lanna pakhat chu a bawlhhlawh paih danah a ni, tih te hi than hnan teh se.
Khawtlang hruaituten Faina hnatlangpui an siam thin hi thil tha a ni a, mumal taka bawlhhlawh kan khawn thin te hi a changkang hle. Vawiin hnatlang pawh hian faina kawngah hmasawnna min thlen leh ngei ang..
Tukchhuah nuam vek ule....
Aibawk : Dt.28.10.2016
Thangthar, hrikhrah leh khumfa chu sawi loh, chingal pawh la hmu ngai miah lo heti zat kan awm ta hi, kan changkan tak vang a nih loh pawhin chanchintha danglam tak chu a ni phawt mai. 'Hnam mawl' tih leh 'Bal' tih hi in chem chhe kawp kumkhua a ni a, balh leh tawp hlauhna hi mihring changkang leh fing rilru atanga lo chhuak a ni thung.
'Hmasawnna' han tih hian rilruah bungrua, In leh lo, kawngpui tha leh thil hmuh theih chi hrang hrang a lo lang tlangpui thin. Raicheha thi an lo tlem tial tial ta te, mihring dam hun chhung a lo sei ta zel te, naupang zan tah vei sawi tur an awm ta mang lo te leh ram chhungah kutdawh an tlem ta tial tial te, ram leh mimal kan lo faia kan lo thianghlim ta te hi hmasawnna tehna vek tho a ni.
Tuna Kan Sorkar hrawn mek a kan PM, Pu Modi chuan, 'he 'FAINA' hi ka project chuam (favourite) a ni' a ti hial a, Swacch Bharat hmangin India ram faina a kalpui mek a ni. Tin, India ram lui pawimawh, Ganga lui then thianghlim nan, 'Ganga Rejuvenation Project' kalpui mek a ni bawk a, sawi tawh thin angin helam atan hian sum pawh a dah hnem nangiang reng a ni. He project atana Nodal Ministry atana ruat changtu, Uma Bharti khan a office a luahluh rual khan, beltein Ganga lui tui a dawkhanah a chhawplut rap a nih kha! An ti mai mai lo khawp mai. Dik tak chuan S Korea, Singapore te hming kan lam rual hian mitthlaah, khawlai fai nuam em em leh mihring fai ser sawr, in leh lo hnum nuam tak tak a lo lang thin. INDIA tih kan lam rual erawh chuan rel kawng tawp tak tak, station hnawk nuai leh lui tenawm tak tak a lo lang fo thung. He mangchhia hi kan hruaitute chuan tihbo an tum a, a man sang tak pawh pek an huam ta a ni. PM tan chuan 'kan ram GDP a thang, kan foreign policy pawh a tha' ti ti mahse, a ram a tawp a, a chhunga cheng mihringte an balh tlat chuan ram dang lakah a hmai a uang thei ngai lo ang. Tin, khawvel ram hrang hrang sum hnar pawimawh ber pakhat chu zinmi (tourist) hip khawm hi a ni. Kumin january thlaa CNN in a tihchhhuahah, khawvela zinmi hipkhawm hnem ber khawpui chu Hongkong a ni a, London leh Singapore in an dawt a ni. Heng atang hian sum maktaduai tam tak an lalut reng a ni. Hengte hi ram ropuite inelna pakhat a ni tawh. Heng ramte hian fai pawimwhna an inzirtir hranpa lutuk tawh lem lo. An thlahtute bul tan tawh an nunah a bet tlat tawh a, an nunphung pangngai a ni tawh mai. Hnathwhna hmunah erawh chuan a hna a zirin balh an hreh miah lo thung.
Tuna ninawm khawpa faina chungchang kan inzirtirna hian thangthar chhuan lo awm lehah chuan rah duhawm tak a chhuah ngei a rinawm. Engtikah nge faina pawimawhzia inzirna hi kan ban ang aw? Engtikah nge nunphungah kan neih ve ang le? Balh hi ngaiah a neih theih chuan fai pawh hi nunphung pangngaiah a neih theih ngei ang. Kan ramah chanchinthain ramhuai chauh ni lovin balhna a umbo ve bawk tur a ni ang. Zirna, thiamna leh finna te hi chanchintha malsawmna a nih chuan Faina pawh hi a zar kan zona tho tur a ni ang.
Kan khaw naupangte leh lo piang lehzel turte mitthlaah faina hi behtir tlat thei ila, puitlingte bawlhhlawh sawngbawl dan leh faina kawnga an hmala lai hi hmu hnem rawh se. Zunin hi ekna tur a ni lova, bawlhhlawh bawm hi bawlhhlawh paihna tur dik tak a ni a, chinai hi bang remchang leh thirbanah te tah chi a ni lova, mihring mize lanna pakhat chu a bawlhhlawh paih danah a ni, tih te hi than hnan teh se.
Khawtlang hruaituten Faina hnatlangpui an siam thin hi thil tha a ni a, mumal taka bawlhhlawh kan khawn thin te hi a changkang hle. Vawiin hnatlang pawh hian faina kawngah hmasawnna min thlen leh ngei ang..
Tukchhuah nuam vek ule....
Aibawk : Dt.28.10.2016
No comments:
Post a Comment