TUI CHUNGCHANG
Mithiamte chuan, ' Kan hma lam hun rei vak lovah chuan, ram leh ram indona chhan leh inhmuhthiamloh chhan tur chu, tui inchuh vang a ni ang' an lo ti tawh a. Thuneihna, ram lak leh sum duh vang ai mahin tui hi kan la inchuh chho zel dawn niin a lang.
Tun hnaia India leh Pakistan inbakkaihnaa India in Pakistan a vauna leh, Pakistan pawhin a hlauh em em chu Indus Water Treaty, India in hnawl a tum chungchang kha a ni a, PM hovin hemi chung changah hian High level meeting an nei nghe nghe a nih kha..Mahse eng em a thleng ta lo zawk pawh a...Tin, tunlaia China leh India boruak tichhe zualtu chu China in Brahmaputra lui la peng a, power siam nana a khuah mek vang a ni bawk. He power project hi a lian hle a, US dollar billion 1.5 vel senga siam mek a ni. Tui inchuh a na chho hle zel a, tui avanga indona (water wars) hi kan la hmachhawn lovang tih sawi ngam a har ta hle. Indopui III na cho chhuak tu tur zinga mi tam takin an ngaih chu South China Sea buaina khi a ni bawk. Phillipines sorkarchuan UN hnuaia Tribunal-ah thubuai a pulut a, tribunal chuan China thiamloh chantir mah se, China chuan he thutlukna hi a pawmlo zui a nih kha... Tin, hun rei tak Tamil Nadu leh Karnataka state buaina chu Cauvery lui tui inchuh thubuai a ni. Cauvery water Dispute tribunal din a ngaih phah a, tun thlengin buaina chhanna hmuh a la ni thei lo. He thil avang hian tun hnaiah he state 2 ah hian buaina a chhuak nasa a, nunna leh bungraw tam tak a riral a ni. Euphrates lui chungchang buaina te, khawvel huap pawha lui lian lo kangchat ta avanga harsatna thleng te hi sawi sen a ni lovang...
Lui tui hi ram economy innghahna a ni a, Aigupta ram chu 'Gift of the Nile' tih a nih hial thin kha. Khawvel ram changkang te zinga mi, Singapore khian kumtin tui lei nan cheng maktaduai tam tak a seng ral thin an ti. India ramah pawh hun reilote khua a khen chuan ram economy in a tuar phah nasa thei hle. Tin, history kan thlir chuan civilisation ropui tak tak lo chhuahna hi luipui behchhan phairuamah a ni deuh zel a ni. Tui hi a va pawimawh em!
Kan Zoram hian vanneihna tak kan nei a, Pathianin lui thianghlim leh kangchat lo tam tak min pe a. Kan lui tuite hi a tui a, a vawt thap kak hlawm a ni. Tuma chuh buai lohvin kan duhthalin kan tlan thei a, kan vannei hle a ni. Mahse tunhma te nena khaikhin chuan kan lui tui a tlem sawt ve ta hle mai. Tuihna siamtu thing kan kit rem nasa a, tuihna pun lam aiin kiam lam a pan ve mek. Chutilaiin tur hmang ten kan la luan duh lehzel a. Miin sum tamtak senga tui an buaipui a, nunna thapa an inchuh lai hian keini chuan kan tikang a, kan tibawlhhlawh a, tuihna humhalh nachang kan hre lo rei hle.
Kan hma lawkah thal khaw rum kan hmabak leh ta. Kan khua pawhin tun hnaiah tuilak thar kan han nei chho a, a lawmawm hle a, tui pawh kan zia deuh turah ngai ta ila. Mahse kan tui lakna hnar hi kangchat thei a ni a, riral thei a ni. Tuihna tikiam lova kan humhalh zawk loh chuan, thangthar lo la awm turte chuan tui inchuhin an la rawn buai ve ang. Hetiang a thlen hma hian tuihna awmsa hi humhalh tlat ang u....
Tuk chhuah nuam vek ule....
Mithiamte chuan, ' Kan hma lam hun rei vak lovah chuan, ram leh ram indona chhan leh inhmuhthiamloh chhan tur chu, tui inchuh vang a ni ang' an lo ti tawh a. Thuneihna, ram lak leh sum duh vang ai mahin tui hi kan la inchuh chho zel dawn niin a lang.
Tun hnaia India leh Pakistan inbakkaihnaa India in Pakistan a vauna leh, Pakistan pawhin a hlauh em em chu Indus Water Treaty, India in hnawl a tum chungchang kha a ni a, PM hovin hemi chung changah hian High level meeting an nei nghe nghe a nih kha..Mahse eng em a thleng ta lo zawk pawh a...Tin, tunlaia China leh India boruak tichhe zualtu chu China in Brahmaputra lui la peng a, power siam nana a khuah mek vang a ni bawk. He power project hi a lian hle a, US dollar billion 1.5 vel senga siam mek a ni. Tui inchuh a na chho hle zel a, tui avanga indona (water wars) hi kan la hmachhawn lovang tih sawi ngam a har ta hle. Indopui III na cho chhuak tu tur zinga mi tam takin an ngaih chu South China Sea buaina khi a ni bawk. Phillipines sorkarchuan UN hnuaia Tribunal-ah thubuai a pulut a, tribunal chuan China thiamloh chantir mah se, China chuan he thutlukna hi a pawmlo zui a nih kha... Tin, hun rei tak Tamil Nadu leh Karnataka state buaina chu Cauvery lui tui inchuh thubuai a ni. Cauvery water Dispute tribunal din a ngaih phah a, tun thlengin buaina chhanna hmuh a la ni thei lo. He thil avang hian tun hnaiah he state 2 ah hian buaina a chhuak nasa a, nunna leh bungraw tam tak a riral a ni. Euphrates lui chungchang buaina te, khawvel huap pawha lui lian lo kangchat ta avanga harsatna thleng te hi sawi sen a ni lovang...
Lui tui hi ram economy innghahna a ni a, Aigupta ram chu 'Gift of the Nile' tih a nih hial thin kha. Khawvel ram changkang te zinga mi, Singapore khian kumtin tui lei nan cheng maktaduai tam tak a seng ral thin an ti. India ramah pawh hun reilote khua a khen chuan ram economy in a tuar phah nasa thei hle. Tin, history kan thlir chuan civilisation ropui tak tak lo chhuahna hi luipui behchhan phairuamah a ni deuh zel a ni. Tui hi a va pawimawh em!
Kan Zoram hian vanneihna tak kan nei a, Pathianin lui thianghlim leh kangchat lo tam tak min pe a. Kan lui tuite hi a tui a, a vawt thap kak hlawm a ni. Tuma chuh buai lohvin kan duhthalin kan tlan thei a, kan vannei hle a ni. Mahse tunhma te nena khaikhin chuan kan lui tui a tlem sawt ve ta hle mai. Tuihna siamtu thing kan kit rem nasa a, tuihna pun lam aiin kiam lam a pan ve mek. Chutilaiin tur hmang ten kan la luan duh lehzel a. Miin sum tamtak senga tui an buaipui a, nunna thapa an inchuh lai hian keini chuan kan tikang a, kan tibawlhhlawh a, tuihna humhalh nachang kan hre lo rei hle.
Kan hma lawkah thal khaw rum kan hmabak leh ta. Kan khua pawhin tun hnaiah tuilak thar kan han nei chho a, a lawmawm hle a, tui pawh kan zia deuh turah ngai ta ila. Mahse kan tui lakna hnar hi kangchat thei a ni a, riral thei a ni. Tuihna tikiam lova kan humhalh zawk loh chuan, thangthar lo la awm turte chuan tui inchuhin an la rawn buai ve ang. Hetiang a thlen hma hian tuihna awmsa hi humhalh tlat ang u....
Tuk chhuah nuam vek ule....
Aibawk : October 2016
He article chu a tha hle mai, tunlai hunah hian a pawimawh zual e
ReplyDelete